Herriaren hegoaldean dago, eta Biasteriko goialdean dagoen iturri bateko ura biltzeko egin zen, besteak beste.
Orain 2.100 urte inguru eraiki zuten. 300.000 litro kubiko ur biltzeko aukera ematen zuen, eta orain arte Europan aurkitu den Burdin Aroko urmaelik handiena da. Interpretazio-zentroa du, Biasteriko historia, urmaelaren garrantzia eta garai hartako lagunen bizitza ulertzen laguntzeko.
Bisita egiteko, jarri harremanetan turismo-bulegoarekin.
Jatorri militarrekoa, XII. eta XIII. mendeen bitartean eraikia. Harresiari lotuta, Biasteriko defentsa-sistemaren parte izan zen. Usadioz Abacial Dorrea deitzen zaio, antzinako monasterio edo abadia baten parte zelakoan. Garai batean Errege-erreginen Andra Mari elizako kanpandorrea izango zen.
Bisita egiteko, jarri harremanetan turismo-bulegoarekin.
Jauregi dotore honetan Félix Mª Sánchez Samaniego alegialaria jaio zen. XVII. mendean eraikia, barneko patio baten inguruan garatzen da. Fatxadan Ramírez de la Piscina eta Acedo familiaren armarria dago.
Hiriaren hegoaldean dago, eliza-gotorleku gisakoa. Hegoaldeko portada edo “aiton-amonen portada” estilo gotikokoa da, eta Deikundea irudikatzen duten zutabez apainduta dago. Oinplanoa gurutze latindarrekoa da, hiru absidekoa eta gurutzadura dituena. Erretaula, barrokoa, San Joan Bataiatzaileari eskainia da. Elizaren oinaldean Pilareko Kapera dago, barrokoaren amaierakoa. Portada gotiko bat suntsiturik eraiki zen, eta oraindik Ama Birjinaren eta pilarearen irudiak daude. Dorre gotikoa harresiaren ateetako bat izan zen, eta XVI. mendean zaharberritu zuten, eta gaur egun elizako kanpandorrea da.
Bisita egiteko, jarri harremanetan turismo-bulegoarekin.
